لاله های واژگون چاسخار-اشعار موسی عباسی

امشو یه چی من پوزته

ای چشمل كال كردیه گل یه شری من پوزته

یه فكری امسال كردیه گل یه شری من پوزته

سیل كردنت كه مه وتیر برنو بتره

گل خته با حال كردیه گل ***********

هركی كه وابو روبروت اصلا زبونش بند اییا

ایمانه هم لال كردیه گل ************

خال كفتیه سر تا كله از سر لو تا سر چكه

وكو طرف فال كردیه گل ***********

رخت دعوتی پوشیدیه می یه گلی وابیدی یه

هم شونه هم شال كردیه گل  *********

ای مییله با دادیه بین گوشلت جا دادیه                              

  می من دلم چالكردیه گل یه شری من پوزته

*************************

ای هیکله شیک کردی یه سربرگه باریک کردی یه

ایمانه گیجال کردی یه گل یه شری من پوزته

خط بهسی یه دور چشمله سه کردی یه مرزنگله

پهنی چه من مال کردی یه ای زلفه تال تال کردی یه ؟

می سار چشمی بلکنا می کوگ مازی کودنا

عباسی                                             20/3/86

بشکن بیو ای نازنین --- ای غنچه بالا نشین

ازبیراحمد تاکهگلو --- سیلی بکن وی سرزمین

ای سرزمین گل کلین --- تابشنفی بنگ پسین

بشکن بیو تاپادنا --- ای کو بلندوباصفا

ووبالترش تاکوی گل --- ارزن وکیکم واول

ای کهگلواستان خوب  --- ایگنشمالی درجنوب

ایما نیگیم سفرکنی --- تاخت بیی باورکنی

تااوقات بیکاری یه --- بیوویچه بهاری یه

بشکن بیوتاگلبهار --- تابرف مازی چاسخار

تاچشمی میشی بیو --- تاتنگ درویشی بیو

بیوچشمی بلقیس بشین --- تاایتری توگل بچین

خش لهجیه گفتارمو --- مهمون نوازی کارمو

باغیرت وشیروِژنیم --- ازنسل آریوبیزنیم

استان ایما پرحاصله --- هرجابری باغ گله

ازگرمسیروسرحدش --- جی ساروکوگ وبلبله

عباسی     3/8/85